Menu Content/Inhalt
首頁 arrow 釣遊 arrow 艇釣釣遊 arrow 南丫艦釣笑爆團

誰在線上

線上沒有任何訪客

線上人數

南丫艦釣笑爆團 列印 E-mail
作者 T.O.   
2000/11/14, 星期二
《南丫艦釣笑爆團》
活 動 日 期 :2000年11月14日 (星期二)
活 動 成 員 :T.O. / JOEY / ANDY WONG
活 動 釣 點 :南丫島一帶水域
釣 法 :手線
釣 餌 :生蝦 / 紅蟲
釣 穫 :
黑沙 X 1 (5斤)
紅班 X 1 (2斤)
青鱸 X 1 (2斤幾)
白立 X 2 (斤半及半斤)
花追 X 2 (1斤及半斤)
斑仔(全放生) / 黃腳 / 域仔 / 石狗等雜魚約5斤

活 動 概 況 :
文 : T.O. @ Nov 2000

今次都算好玩喇! JOEY中白都好好FEEL! 重係佢第一個起到大野添! 我地重以為戰果就係咁! 好彩我都中左條斑 (又係例牌戰績...嘻~嘻~! ),最後ANDY以為就咁完之際,中佢艇釣最大。

上次南丫艦釣無蝦都有d魚釣下,今次緊係有備而戰啦! 諗住原班人馬再去砌過,點知個個都有事唔得閒,所以就網度同例會約腳。好彩Joey果日咁岩放假,我地一拍即合。跟住阿David都有興趣,不過就要返公司睇下放唔放到假。可惜佢有野做,咁就錯失左良機啦 (馬後炮...嘿~嘿~)! 唔緊要,大把機會,下次再約過啦! 跟住阿Andy Wong 表示佢都有興趣,佢就放到假,所以人數就夠開3人艇。

出發前一晚阿屈都話有興趣,諗住再搵多2個人可以開6人艦,但最後都係得 3人。咁無計,唯有下次再約過啦! 今次阿Andy帶比我同Joey好多歡樂,嘻~~嘻~~ (Andy 唔好介意呀...都係大家開心)。

今獲艦釣都算峰迴路轉喇! 我一早6點起身飛的去深水買生蝦,好彩有得買。我買左1斤生蝦,3兩紅蟲,今次重唔夠餌?!! 嘿~嘿~ ! 一於釣到佢無餌為止。

約左Joey同Andy 八點碼頭等,Joey都係最後2分鐘先到,好彩趕倒。船上大家又吹下水,唔使半粒鐘就已經到左南丫島碼頭。

原來Andy買唔到冰,所以佢去士多睇下有無冰買。原來南丫島都有冰買,大家唔使係香港買定啦,去到都有得買。我同Joey就預備下釣具,唔使九點,艇家就駛左去碼頭接我地。

一艇4人出發啦! 當時個海面都幾大風,見到白頭浪,諗住都幾難釣,好彩去到釣點就背左風,大家先鬆左一口氣。

之前收到風話度有白立釣,個艇家就車左去釣白位。落左幾口都無魚訊,唔通今日無魚釣?? 慘啦......!! 咁多餌點算好 ??? 過左半粒鐘都係無咩料到,只係得Andy起到幾條大眼梳羅! 艇家就不停走位,個個都開始無咩心機,Joey 就早餐未食,自備乳鴿慢慢嘆,去到邊就食到邊。去到下尾過d一個釣點,唔記得叫咩位,都幾深水,Joey話近岸d石位磯釣都幾正,就放左口餌落水啦。唔知係咪 Joey大咬完後打左d誘餌落去(鴿骨),唔使幾秒,諗住收番緊條絲,咁就黎料啦,係中魚呀....

Andy就第一時間走左去諗住幫手收絲,Joey就緊係自己慢慢玩啦。我都同一時間中魚,不過就只係石狗,見阿Joey一收一放,都應該幾大餅,我就預備好撈機。見到上水喇! 係一條大白立,係水度到點解唔見左粒鉛既??? 完來條魚開心得滯,連鉤帶鉛食左落肚,之後我問Joey好唔好feel,佢話都幾好feel,不過要釣多幾條試真d.....! 車"~~~ 下條留番比我同Andy試啦...嘻~嘻~!

我同Andy就當堂成個精神晒! 諗住開始有大野到! 點知.......一等再等.... 都係無咩料到。阿艇家都話無咩魚釣,佢好勤力呀,又車返轉頭,再試其他釣位。大家就繼續釣魚啦! 今次終於輪到我啦! 中呀! 斤頭斑一條呀! 收絲果陣都估到係例牌貨,不過就唔知係紅斑! 今次就由Joey幫我落撈箕! 一撈,點解唔見左條魚?? 原來撈唔中呀,條魚一野標番落深水,好彩我鬆絲快,唔係就多謝Joey啦! 嘻~嘻~! 跟住再收絲,又見番條魚啦。Joey再黎多一獲,今次撈中喇。上水果下條魚真係好紅,好靚仔,阿艇家話條魚值$$800$$呀......嘩!......正呀......^o^

Andy睇完我起條魚,諗住輪住黎試,下條應該到佢掛! 不過又係一等再等,佢始終都無咩魚訊,只係得d魚仔。而且又開始起流,所以我地車番去發電廠,順便開餐,大包細包係咁咬。

釣到3點幾都係無咩料到,只係起多兩條油追同雜魚,於是艇家就車左個青鱸位,佢叫我地小心青鱸,話口未完,佢就中左。艇家見阿Andy冇料到,就叫Andy玩下啦,過下手引都好啦! Andy就一個飛身由右邊艇去左邊。 HELP~~~~! 就係咁同一時間四個人係晒左邊,好彩隻艇當時唔係好口渴,只係飲左幾啖水就冇再飲,你都咪話唔險!!!! 嘿~嘿~! 我同Joey就緊係馬上閃番去右邊平衡番隻艇,Andy話好好feel呀! 原來條鱸都有成兩斤幾,緊係好玩啦!

好啦......3個人都好feel過,諗住戰果就係咁啦! 點知係尾聲之際,Andy終於運到,中魚呀。今次又係Joey預備撈箕,等左都幾耐,只係見到佢慢慢一收一放,好耐都見唔到條魚,問下佢條魚有幾大呀? 佢話過斤啦! 玩咁耐?? 船家同我都估緊係咩魚,諗住都係細鱗! 因為果邊都有好多,上次艇家都斷左口,點知到上水果下,個個都嘩聲四起,係大黑沙呀! Joey又落撈機,死~~又唔中?!! 係咪玩野? 嘻.嘻.條魚又向艇尾中番落水,艇家立即係艇尾用過2呎X2呎大撈機幫手撈魚,上到水話條魚最少都有4斤,原來 Andy係用4磅絲,唔掛得玩咁耐啦!

唔使一陣,Andy又黎料! 中魚呀! 佢話同條大黑沙差唔多力,唔係呀? 又係大黑沙?? Joey諗住去預備撈機啦! 但係Andy已經成條魚上左水,原來係條手板白立仔,唉~~~~! 比Andy玩死,嘻~嘻~! 跟住大家都係咁起魚仔,域仔、石狗、沙鑽、黃腳等等,今日都玩夠啦!

總結,呢鑊個個都有過斤魚起,都算係咁啦! 如果密口d就重正! 今次都算係疏口! ^o^


 
 
 

 
 
< 前一個   下一個 >