| 電波艇釣入門 - (8) 完結篇 |
|
|
| 作者 總魚神 | |||||||
| 2000/07/01, 星期六 | |||||||
|
我諗各位初哥對艇釣都有多少概念，係時候約埋釣魚腳出發啦，基於外海水又深流又大，有時風浪亦很大，一下子未必可以適應的，我提議首先搵個較為風平浪靜既釣點熱下身，先熟習之後再去其他不同地點搏搏。西貢租木艇作為熱身圈就最理想不過了，因西貢內海面積頗大而水又淺，背風背浪不受大風影響唯獨是甚少大魚出沒，多數是沙鑽沙孟石狗公，哨牙妹釘公，火點，魷仔等，偶而亦亦會有ｄ好野既。 各位艇釣初哥切記不可抱著太大期望出擊，因為隨著科技之進步及人為之破壞，近年來釣況已大大不如前了。漁民之濫捕，人為之污染，又不法之徒更不惜放魚炮杜魚等令到海洋生態受到極大破壞，想搵個魚又大又多既地方，簡直難過登天。無怪乎很多釣友不惜越釣越遠，不論擔干萬山蚊洲廟灣，甚至南海油田，大清針等都係想過一下大魚引。 但係咁又唔等於絕對冇大魚釣，只不過係機會低ｄ者。因為有很多漏網之魚同埋外來魚釣（外來魚，即不是在香港近岸海邊長大的）。 最後祝各魚友次次出艇，例不虛發，絲絲緊扣，勾勾數斤。當然最緊要祝埋自己啦。 | |||||||
| < 前一個 | 下一個 > |
|---|