(第一日)12月24日

由於去到已經中午,索性約左艇家兩點先開艇,時間短促,所以近近地去附近0既漁民新村玩下就算,我一心去釣鱸仔,所以一路釣半水,其他人就玩沉底釣立.玩左成個鐘,除左gary中左條6兩黑沙之外,其餘個個零魚訊,決定轉位再戰.

原本諗住去孖辮試下,行到半路,見到個新排,咪上去試下啦.蝦,d 魚真係好似跟人0既,又係gary開齋先,中左兩條手板立仔,跟手仲中多條鱸,可惜斷走口.

卒之,到左5點幾,電筒哥起左條斤頭鱸仔,浪花趁住佢解魚果陣,進佔佢個旺位,果然又比浪花中番條.哎呀!!真係激死,我之前係果個位捕左成半粒鐘冇料到,一行開就連上兩條,又一次證明叔公講得冇錯,d魚係跟人0既.

好彩,正當浪花上緊魚0既時候,有條魚比"色奴"我,我知一定係鱸,比佢走左兩尺即抽,跟住靜雞雞收佢上黎,連撈箕都冇叫人羅,費事學肥熊咁斷走口比人笑丫嗎.好彩都上到水,唔只唔使白果,仲係最大果條添.

第一日就得3條鱸仔,3條立仔收工.

(第二日)12月25日

一早07:00起程,直向惠東進發,釣果都係好差,成日都係得d石狗搞搞震,要到下午先至由電筒哥同浪花分別中左條斤頭紅魚,我就中番條大過手板0既沙孟.

總結:

惠東同澳頭真係一次蕉過一次,係時候另覓新釣點啦,一於搵埋90,師傅一齊上再北d 0既釣點試下.

另外,真係要讚下香港海關呢個假期0既安排,咁多人過關,都係同平日咁上下時間就搞掂.