原本今日想出東面，點知個天唔生性，沒法到，只好返內港釣魚仔，過手癮。

早上九時約好艇家響糖水道碼頭上艇，我晨早約好三隻腳﹝90，阿風，傑仔﹞響渣華道街市對面茶餐廳食人餌。結果住得最近果個遲到，後果當然是比人問好了，食完人餌當然要買魚餌，唔使問阿貴都是渣華道街市內之魚餌店攪掂，十兩虫四兩蝦粉，跟手出碼頭。

等兩等艇家車到，上艇，出發，唔使一個字就到左紅磡灣，落絲，起魚。又是黃腳，點解仲是幼齒，你地家姐阿媽去左邊，再唔是叫埋你阿來我都唔介意。

釣到十二點幾，都沒一條過五兩，一於轉位，去到跑道中間個紅泡，唔轉仲好，得魚仔攪攪震，再走去跑道尾個出水排試試，天呀！魚毛都冇呀！唔是差十零日差天共地，投降。

向東唔掂向西走，走去親親東方公主。二點幾再戰大包米隧道頂，戰果都是七零八落，最後釣點銅鑼灣隧道頂至紅泡，可能是落流關係，魚比較肯咬黃腳仔，沙立仔，牛秋，芝麻仔都開口，艇家響泡底釣兩條白花仔，全日最大條芝麻仔都可能有十兩掛。

太陽落山啦，回家去吧！