古語有云"天有不測之風雲"一d都無錯!!!直解作"天文台有
測不出的風~~~哎暈得!!"
因過年後,石狗上排當造,前2年同肥熊試過年初三出艇,
12兩細蝦,釣一個上午消得7788.好在下午收口,唔係就
3點可以上碼頭.
舊年約了9人3月的一個星期五去釣石狗,香港仔出2艘大
眼雞;亦大有收穫,上界大魚主係[釣人].
今年希望多d人一齊出艇,又學人玩下杯賽.娛己娛人.
過年後,決定3月3日大搞釣狗團.希望大家釣幾斤石狗.
2月28日;因天文台說星期日,5級東風.黑手為了大家安全.
決定改下一星期,出了改期通知大家後一天,天文台改了
預測3月3星期日天晴,2級風....唔係呀,有幾個艇友要
星期日出艇.我立即再改26擊回3月3, 因3月10有會員要退
出,亦唔知10號是否天晴.再煩joey同艇家確實3月3出艇.
因改期太急,黑手無一個個通知,到最後,上界魚王[釣人]
被改期一"拔"勾消...嘿嘿..可能黑手有意想獨得大狗杯.
當天早上;花尾,我,同肥雞CKF,一早乘專車出發.
天陰但有轉光.一路上;花尾問我"今次係唔係擊呀?"
我一口咬定"係26擊,有杯架...!"
"PK!"..."次次搞擊都衰....!"
"o 下!!!!!!!!!!"我心諗唔好啦~~~朝朝亞媽黎....
去到西貢,團友一個個到,有d去飲早茶,有d去買野,
8:30;街上旗幟開始被風吹動,我同肥雞因體內有D
水上人血,直覺地行出碼頭一同向東面望.
"哎....不妙!"我說
"係呀....!"肥雞眉宇之間答我.
一分鐘一分鐘過,風一級一級大....
東面黑雲又近了很多.....
我地一齊說出心底話:"轉大東風!!!!"
8:55;因人齊,艇齊,餌齊...硬著頭皮說出發啦.
心諗~~[天文台唔會錯...可能出面2/3級風.]
四組人玩包剪鎚分先後抽船家.
9:00;落船,先後落艇;在不遠處等齊先出發.
大家因大風,艇家亦無心水排口;一齊到沙塘口背風位
[唉...唔見肥雞艇縱影?唔通去了私家狗竇...]心諗.
嘩好闊....唔知入面有無得釣???
大家唔好心斜.火石洲風景唔祗吸引,被風,而有d狗釣架.
肥雞隻艇由東出面飛返黎.
[一定無好魚...]心諗[有魚打風都唔返啦..]
下午;風細了1~2級;艇家收到風話火石背有班起呀.
艇家第一個叫收絲,出去搏一搏啦.
頂3~4級頂頭風,浪花如雨車到火石背.
lalala立即下絲.10分鐘,叫釣到大魚.係細紅班...
NO..係一條大石狗.La 哥笑到見牙.
"仲好過班呀!!"...[大狗杯有望啦!]佢心諗.
釣唔夠大半鐘,因背風位都太大風要走頭.."收絲"艇家又叫.
車返去沙塘口,lalala一落絲唔夠3 分鐘又中大魚.
今次要我撈箕幫手,上到水好似白立,原來係斤幾內差35cm
小赤立.La 哥好開心..條赤立完了他釣立心願.
雞公,黃腳,牛屎,紅,白,黑..乜立都釣到....哈哈....哈哈哈!!!
艇家轉去孖洲再搏,牛尾背....都搏唔到大魚.
4:50; 叫艇家返碼頭;因太遲上岸被取消"豬腳"就唔好.
返到碼頭見有2只艇戰友仲在撈魚,我地立刻上岸.
大家都好準時返岸.
"燈...燈..燈..等";大狗獎係....LA哥以一狗鼻勝出.
全場總重量是JOEY一組.組長提議Edward保存獎杯.
我地艇釣老大哥'花尾躉'以木合作電波大代表'班長'
大家好倦,但座無虛席地再談今次釣況,艇家,釣法...etc.
26擊在反覆天氣下完滿結束.今次比起其他擊唔係太差啦!
~~~~~~~~~~~~~~~~~~~~~~~~完~~~~~~~~~~~~~~~~~~~~~~~~~~~
rem:多謝joey book 艇,ymc馮馮定做杯.及ABCD組長.當然要多謝電波啦! |
